گزارش‌ها از قندوز می‌رساند که ۹ هراس‌افگن خارجی در این ولایت کشته شده‌اند.
عبدالحمید حمیدی، فرماندۀ پولیس قندوز می‌گوید این شورشیان در جریان عملیات نظامی در ولسوالی “امام صاحب” شام دیروز کشته شدند.
به گفتۀ حمیدی، این هراس‌افگنان شهروندان تاجیکستان، ازبکستان، پاکستان و چیچن می‌باشند.
آقای حمیدی افزود: “۹ نفر از تروریستان وزیرستانی در ضربات توپچی کشته شدند. افراد مربوط به جندالله ازبکستان، همچنان افراد تاجیکستانی و چیچنی نیز به قتل رسیدند.”
این در حالی است که با آغاز سال جاری، یک‌بار دیگر دامنه نبردها در کشور اوج گرفته است و بر بنیاد برخی از گزارش‌ها، هم اکنون درگیری شدید میان نیروهای دولتی با طالبان مسلح، در برخی از ولایت‌های کشور جریان دارد.

۹ هراس‌افگن خارجی در قندوز کشته شدند