عبدالله عبدالله، رییس اجرائیه حکومت وحدت ملی، با انتقاد ازحصار کشی نظامیان پاکستان در امتداد خط دیورند گفته است که مبارزه با هراس‌افگنان همکاری صادقانه می‌طلبد.
آقای عبدالله در آغاز نشست شورای وزیران بر مبارزه جدی با هراس‌افگنان تاکید کرده است.
این گفته‌های عبدالله عبدالله در حالی بیان می‌شود که به تازگی قمر جاوید بجوا، رییس ستاد ارتش پاکستان، دستور ساخت حصار در امتداد خط دیوروند در منطقۀ قبایلی مهمند را داده است.
با این وجود، پس از حملات مرگبار انفجاری در ایالت سند پاکستان، روابط کابل- اسلام‌آباد به سردی گراییده است و مقام‌های نظامی پاکستان ادعا کرده بودند که این حملات در داخل خاک افغانستان راه‌اندازی شده است اما مقام‌های افغان این ادعای نظامیان پاکستانی را بی‌بیناد خوانده‌اند.

عبدالله: مبارزه با هراس‌افگنان همکاری صادقانه می‌طلبد