عبدالله عبدالله با رییس جمهور تاجیکستان دیدار کرد

داکتر عبدالله عبدالله رییس اجراییه دولت وحدت ملی در دیداری با امام علی رحمان رییس جمهور تاجیکستان پیرامون تهدیدهای امنیتی و روند صلح افغانستان بحث و گفت‌وگو کرد.

براساس توییتر رییس اجراییه که امروز منتشر شده است، این دیدار در شهر دوشنبه پایتخت تاجیکستان انجام شده است.

آقای عبدالله در این دیدار بر آمادگی دولت افغانستان برای افزایش همکاری در راستای مبارزه با تهدیدهای مشترک تاکید کرده است.

این در حالی است که تاجیکستان به شدت نگران افزایش ناامنی‌ها در شمال افغانستان است.

نشست تعامل و اعتمادسازی در آسیا یا (سیکا) از امروز در شهر دوشنبه برگزار می‌شود که در این نشست سران و نمایندگان برخی کشورها از جمله افغانستان نیز حضور دارند.

داکتر عبدالله عبدالله در حاشیه این نشست با رهبران شماری از کشورهای آسیایی ملاقات خواهد کرد اما جزئیاتی در مورد مباحث مورد نظر برای گفت‌وگو ارائه نکرده است.

بیشتر بخوانید: