وزارت صحت عامه، از شهروندان کشور خواسته است که بگذارند کودکان شان واکسین شوند.
احمد جان نعیم، معاون پالیسی وزارت صحت عامه گفته است که ساده‌ترین و ارزان‌ترین راه‌ نجات کودکان از بیماری‌های خطرناک، تطبیق واکسین پولیو می‌باشد.
آقای نعیم، از خانواده‌ها می‌خواهد که کودکان شان را واکسین نمایند.
به اساس گفته‌های مسئولان وزارت صحت عامه، در سراسر کشور در حدود ۱۷۰۰ مرکز درمانی به تطبیق واکسین می‌پردازند.
این در حالی است که همواره نگرانی‌های در پیوند به تطبیق نشدن واکسین در مناطق ناامن وجود داشته است.
مخالفان مسلح هرازگاهی مانع کار،گروه‌های واکسیناتور می‌شوند که این اقدام با واکنش تند شهروندان کشور مواجه شده است.

صحت عامه: بگذارید کودکان شما واکسین شوند