ناامنی‌ها در ولایت قندوز سبب شده تا مبادلات کالا بین افغانستان و تاجیکستان کاهش چشمگیری داشته باشد.
شهاب‌الدین باور، رییس گمرک ولایت قندوز ابراز داشت: «ناامنی در مسیر قندوز باعث شده تا صادرات کالا از افغانستان به تاجیکستان، ۶۰ درصد کاهش یابد».
وی ادامه داد تا ۳ ماه قبل اگر در ۱ روز به‌طور متوسط ۵۰ کامیون از افغانستان وارد تاجیکستان می‌شد، در حال حاضر این مقدار به ۱۵ تا ۱۷ کامیون کاهش یافته است.
یک نمایندۀ خدمات گمرک تاجیکستان نیز با تصدیق این خبر گفت: «درمجموع واردات کالا در ۳ ماه اخیر در مقایسه به مدت مشابه ۳ ماه قبل از آن، از ۱۰۰ هزار تن به ۴۸ هزار تن کاهش‌یافته است.
بر اساس این گزارش، بیشتر راننده‌های کامیون‎های تاجیک و افغان به دلیل فعال شدن طالبان و احساس ناامنی در جاده قندوز تا مرز تاجیکستان، فعالیت خود را قطع کرده‌اند.
نگرانی راننده‌های تاجیک و افغان از مسیر قندوز تا مرز تاجیکستان در حالی است که ۳۱ می سال جاری طالبان در این مسیر ۱۶ مسافر را به قتل رسانده‌اند.