نهادهای بین‌المللی در امور مهاجران می‌گویند که تا پایان سال جاری میلادی ۶۲۰ هزار مهاجر افغان از پاکستان به کشورشان بر می‌گردند.
کمیساریای عالی سازمان ملل در امور پناهندگان و سازمان بین‌المللی مهاجرت گفته‌اند که تا پایان سال جاری میلادی ۴۰۰ هزار مهاجر افغان که بدون اسناد قانونی در پاکستان به‌سر می‌برند و ۲۲۰ هزار مهاجر دیگر که با داشتن اسناد قانونی در پاکستان به سر می‌برند، به کشورشان بر می‌گردند.
وب سایت اکونومیست نوشته است که دولت پاکستان گفته آن عده از مهاجران افغانی که بدون مدارک قانونی در این کشور به سر می‌برند، پس از پانزدهم ماه نوامبر سال جاری مکلف‌اند که ویزای اقامت به پاکستان را داشته باشند.
بر اساس گزارش‌ها، حدود ۲٫۵ میلیون مهاجر افغان در پاکستان به‌سر می‌برند که از این میان حدود ۱ میلیون مهاجر افغان بدون مدرک قانونی اقامت در این کشور هستند.
وضعیت مهاجران افغان در پاکستان پس از آن مسئله‌ساز شد که تنش‌های سیاسی میان حکومت‌های کابل و اسلام‌آباد افزایش یافت.