وزارت عدلیه از ترک تابعیت صدها تن از شهروندان کشور در سال جاری خبر می‌دهد.
امان ریاضت سخنگوی وزارت عدلیه گفت: “از آغاز سال جاری تاکنون، ۴۱۲ تن از اتباع کشور خواستار ترک تابعیت افغانستان شده‌اند”.
ریاضت افزود که این شمار از شهروندان کشور، برای به دست آوردن پناهندگی کشورهای خارجی چنین درخواستی را مطرح کرده‌اند.
وی تاکید کرد که شماری از درخواست‌های شهروندان پذیرفته شده و شمار دیگر در مرحله اجرا است.
بسیاری از شهروندان کشور به دلیل جنگ، فقر و بیکاری کشور اقدام به مهاجرت به کشورهای همسایه و کشورهای اروپایی کرده‌اند.