یک گروه ۱۲ نفری مخالف دولت در ولایت بادغیس با جنگ‌افزارهای دست داشته‌شان به پروسه صلح پیوستند.
مسئولان شورای عالی صلح در بادغیس گفتند: این گروه، پیش‌ازاین در ولسوالی آبکمری و شهر قلعه‌نو فعالیت ضد دولتی داشته است.
عبدالخلیل اچکزی رییس شورای عالی صلح ولایت بادغیس به خبرنگار ما گفت: “این افراد درنتیجۀ فعالیت‌های مأموران اداره امنیت ملی جذب پروسه صلح در این ولایت شده‌اند”.
اما بااین‌وجود اکثریت شهروندان بادغیس از پیوستن این گروه‌ها راضی نیستند و می‌گویند که پیوستن این گروه به تأمین امنیت بادغیس تأثیر آن‌چنانی ندارد.