روسیه می‌خواهد کنترل نیروهای مرزی در مرز مشترک افغانستان و تاجیکستان را به طورکامل بردوش گیرد.
بوری یونیسف، معاون وزارت دفاع روسیه به خبرگزاری رویترز گفته که کشورش ممکن این اقدام را به‌زودی عملی کند.
رویترز به نقل از بوری یونیسف گزارش داده است که روسیه در تاجیکستان پایگاه نظامی دارد و این احتمال وجود دارد که این کار انجام شود؛ اما تصمیم دراین‌باره از سوی مقام‌های سیاسی روسیه گرفته خواهد شد، این خبر درست یک روز پس‌ازآن مطرح شد که امام علی رحمان رییس‌جمهور تاجیکستان، در دیدار با ولادیمیر پوتین رییس‌جمهور روسیه در شهر سوچی این کشور از وضعیت امنیتی مرز تاجیکستان با افغانستان ابراز نگرانی کرد.
پیش‌ازاین نیز نماینده حوزه نظامی روسیه گفته بود که مسکو قصد دارد برای تقویت نیروهایش در تاجیکستان چرخ‌بال‌های تهاجمی به این کشور بفرستد.
نگرانی روسیه و تاجیکستان از بد بودن وضعیت امنیتی در مرز مشترک تاجیکستان با افغانستان در حالی مطرح می‌شود که در چند ماه اخیر ولایات شمالی کشور خصوصاً ولایت قندوز که با تاجیکستان مرز مشترک با بیش از ۱۰ کیلومتر دارد به‌شدت ناامن شده است، از این‌رو تاکنون چندین بار مقام‌های روسیه و برخی کشورهای منطقه در این مورد باهم صحبت کردند.