به تازگی نمایندگان کشورهای افغانستان، چین، پاکستان و تاجیکستان، توافق‌نامه گروه چهارجانبه “ضد تروریستی” را در شهر ارومچی چین به امضا رسانده‌اند.
وب‌سایت تاند نوشته است که در امضای توافق‌نامه‌ گروه چهارجانبه “ضد تروریسم” قدم‌شاه شهیم فرمانده ستاد ارتش کشور، فانگ‌فیگوی فرمانده ستاد ارتش چین، راحیل شریف رییس ستاد ارتش پاکستان و کوبید زاده رییس ستاد ارتش و معاون وزارت دفاع تاجیکستان، حضور داشته‌اند.
در این نشست، تروریسم یک تهدید جدی در منطقه خوانده شده و این چهار کشور تعهد سپرده‌اند که به‌صورت مشترک مبارزه علیه تروریسم را به پیش می‌برند.
گروه چهارجانبه ضد تروریستی از سوی این کشورها در حالی تشکیل شده که پیش از این گروه هماهنگی چهارجانبه صلح میان حکومت و گروه طالبان با عضویت کشورهای امریکا، افغانستان، پاکستان و چین تشکیل شده بود.