کولیندا گرابار-کیتاروویچ، رییس جمهوری کرواسی از تشکیل حکومت وحدت ملی در افغانستان استقبال کرده و گفته که جدال‌های حامد کرزی، رییس جمهوری بر افکار عمومی در کشورهای عضو ناتو تأثیرات منفی داشته است.
خانم کیتاروویچ، در دیدار با عبدالله عبدالله، رییس اجرایی حکومت وحدت ملی گفت که حامد کرزی مانع کار و همکاری کشورهای عضو ناتو در افغانستان می‌شد و کارهای این کشورها را با مشکل مواجه کرده بود.
کیتاروویچ، امروز در رأس هیئت بلندپایه وارد کابل شد و با محمد اشرف غنی، رییس جمهوری و عبدالله عبدالله رییس اجرایی دیدار و ملاقات کرد.
او در ماه ژوئیه پیروز انتخابات کرواسی شد و نخستین زن در تاریخ این کشور است که به مقام ریاست جمهوری می‌رسد.
دست‌کم ۳۵۰ نظامی کرواسی در چارچوب نیروهای بین‌المللی “آیساف” از سال ۲۰۰۳ تا سال ۲۰۱۴ در افغانستان مستقر بودند.
رییس جمهوری کرواسی در دیدار با عبدالله عبدالله گفته است که پس از تشکیل حکومت وحدت ملی، جایگاه و موقف بین‌المللی افغانستان به شکل جدی تغییر کرده و سطح همکاری‌ها میان افغانستان و جامعه جهانی افزایش‌یافته است.