ده‌ها تن از ساکنان نیمروز، فعالان مدنی و برخی از مسئولان اداره‌های دولتی، دریک حشر عمومی اقدام به پاک‌کاری شهر زرنج از وجود زباله‌ها کرده‌اند.
این رضاکاران در این اقدام نمادین، قسمت‌های از جاده‌های شهر زرنج را از وجود زباله‌ها پاک کرده‌اند.
در این میان، محمد سمیع والی نیمروز، از ساکنان این ولایت خواسته است که در راستای پاک نگهداشتن شهر تلاش بیشتر نمایند.
والی نیمروز، به نهادینه کردن فرهنگ شهرنشینی در این ولایت تاکید می‌نماید.
والی نیمروز افزود: ” وظیقه همه ماست که شهر و محیط خود را پاک نگه‌داریم و هر شهروند مسئولیت دارد تا در حفظ محیط زیست و پاکی شهر با ریاست شاروالی همکار باشد تا فرهنگ شهر نشینی بیشتر تقویت گردد”.
نهادینه ساختن فرهنگ شهرنشینی، کمک به کارمندان بخش تنظیف شهرداری و پاک کردن شهر از وجود زباله‌ها از اهداف این کارزار گفته شده است.

حشر عمومی ساکنان نیمروز برای پاک‌کاری شهر زرنج