یک مقام ارشد امنیتی تاجیکستان گفته است که سی شهروند تاجیک به گروه‌های افراطی فعال در مناطقی از افغانستان که با تاجیکستان سرحد مشترک دارند، پیوسته‌اند.
به اساس گزارش‌ها، نصرت‌الله میرزایف رییس کمیتۀ دولتی امنیت ملی تاجیکستان این موضوع را به‌تازگی در یک کنفرانس بیان کرده است.
به اساس گزارش، این مقام تاجیک گفته است که تنها از آغاز سال جاری، گروه‌های افراطی چهل اقدام تروریستی را در مناطق مختلف افغانستان انجام داده که ۱۵۰ غیرنظامی را کشته و ۱۰۰ تن دیگر را زخمی ساخته است.
تاکنون مقام‌های افغان در مورد پیوستن سی شهروند تاجیک با گروه‌های افراطی در شمال کشور به‌طور مشخص ابراز نظر نکرده‌اند.