گزارش‌ها از روسیه می‌رساند که ولادیمیر پوتین، رییس جمهور روسیه، هفته آینده به سه کشور آسیای میانه سفر می‌نماید.
بر بنیاد گزارش خبرگزاری‌های بین المللی، ولادیمیر پوتین به تاریخ ۲۷ و ۲۸ فبروری به کشورهای قزاقستان، تاجیکستان و قرغیزستان سفر می‌کند.
یوری اوشاکوف، یکی از مشاوران رییس‌جمهور روسیه گفته است که در این سفر، روابط ۲۵ ساله این کشورها با روسیه مورد بررسی قرار می‌گیرد.
آقای شاکوف افزوده است که رییس‌جمهور پوتین، به روز ۲۷ فبروری از قزاقستان و تاجکستان و در ۲۸ از قرغیزستان دیدن خواهد کرد.
با این وجود، آقای پوتین با روسای جمهوری این سه کشور به گونه جداگانه دیدار می‌نماید.
قزاقستان، تاجیکستان و قرغیزستان از جمله نخستین کشورهای می‌باشند که پس از سقوط شوروی پیشین استقلال‌شان را به دست آورده اند.

رییس‌جمهور روسیه به سه کشور آسیای میانه سفر می‌نماید