مقام‌های ولایت تخار می‌گویند که دو باشنده ولسوالی درقدر این ولایت شب گذشته هنگام عبور غیرقانونی از مرز تاجیکستان کشته شده‌اند.
خلیل اسیر سخنگوی والی تخار گفته است که این دو باشنده ولایت تخار شب گذشته هنگامی که غیرقانونی از مرز تاجیکستان رد می‌شدند، پولیس مرزی آن کشور که حدس زده بودند که آنها قاچاق‌بران مواد مخدر هستند به طرف آن‌ها تیراندازی کرده اند و آنها کشته شده اند.
سخنگوی والی تخار گفته است پس از این رویداد معلوم شده که در نزد مواد مخدر وجود نداشته است.
این درحالی است که ماه گذشته نیز دو قاچاق‌بر مواد مخدر که از افغانستان به قلمرو تاجیکستان می‌رفتند توسط نیروهای سرحدی آن کشور به قتل رسیدند.

دو شهروند افغانستان هنگام عبور از مرز تاجیکستان کشته شدند