کمیته امنیت ملی تاجیکستان اعلام کرده است که حمله بامداد امروز به پاسگاه‌های مرزی این کشور که به کشته شدن دو پلیس مرزبانی انجامیده، کار اعضای داعش بوده و از خاک افغانستان سازماندهی شده است.

به گفته مقام‌های تاجیکستانی، صبح امروز ۲۰ عضو گروه داعش که صورت خود را با نقاب پوشانده بودند به منطقه رودکی در شصت کیلومتری شهر دوشنبه، پایتخت این کشور حمله کرده و ۱۵ نفر از آنان کشته شدند.

آن‌ها می‌گویند که پنج نفر از مهاجمان منطقه را ترک کرده و گریخته‌اند، اما نیروهای مرزبانی موفق به بازداشت آن‌ها شده‌اند.

در عین حال، کمیته امنیت ملی تاجیکستان اعلام کرده است که این افراد تلاش داشتند با استفاده از تاریکی شب خود را به داخل خاک تاجیکستان برسانند، اما ناکام ماندند.

بیشتر بخوانید:

• تاجیکستان شماری از زندانیان افغان را به این کشور تحویل داد
• ۸۰ زندانی مسترد شده افغان از تاجیکستان وارد قندوز شدند
• خانواده‌های آواره داخلی در افغانستان نیازمند کمک‌های فوری زمستانی هستند
• افغانستان بار دیگر پاکستان را به حمایت از هراس‌افگنی متهم کرد

حمله داعش به تاجیکستان از خاک افغانستان سازماندهی شده است