گزارش‌ها از ولایت نیمروز می‌رساند که مسئولیت پروژه آب‌رسانی، از وزارت انکشاف دهات به ادارۀ آب‌رسانی این ولایت سپرده شد.
محمد سمیع، والی نیمروز در مراسم تحویل دهی‌ مسئولیت‌های شبکه‌ آب‌رسانی به ادارۀ آب‌رسانی این ولایت، کمبود آب آشامیدنی و کشاورزی را، از جدی‌ترین چالش ساکنان نیمروز بر شمرده است.
در این میان، والی‌ نیمروز از ساکنان این ولایت می‌خواهد که در راستای نگهداری پروژه آب‌رسانی این ولایت تلاش جدی نمایند.
این در حالی است که پروژه آب رسانی ولایت نیمروز، با هزینه ۲۱ میلیون دالر، از بودجه وزارت احیا و انکشاف دهات ساخته شده است.

مسئولیت شبکۀ آب‌رسانی نیمروز به ادارۀ آب‌رسانی این ولایت سپرده شد