غنی به منظور غم شریکی با خانواده عبدالرازق، به قندهار رفت

رییس جمهور غنی صبح امروز در راس یک هیئت بلند رتبه دولتی به ولایت جنوبی قندهار سفر کرده است.

ارگ ریاست جمهوری با نشر خبرنامه‌ی گفته که رییس جمهور غنی برای غم‌شریکی و تسلیت با خانواده جنرال رازق فرمانده پیشین پولیس ولایت قندهار، بزرگان و مردم این ولایت، به آنجا سفر کرده است.

در همین حال روز گذشته وزارت داخله کشور اعلام کرد که تادین خان اچکزی برادر جنرال عبدالرازق اچکزی به حیث سرپرست فرماندهی پولیس ولایت قندهار معرفی شده است.

جنرال عبدالرازق فرمانده پولیس قندهار پنجشنبه گذشته پس از یک نشست امنیتی با اشتراک فرمانده عمومی نیروهای ناتو، والی قندهار و برخی مسوولان دیگر امنیتی داخلی و خارجی در قندهار، مورد سوء قصد قرار گرفت و همراه با جنرال مومن حسین خیل رییس امنیت ملی این ولایت کشته شدند.

بیشتر بخوانید: