رییس جمهور غنی از  وزارت تحصیلات عالی خواسته تا برنامه‌ای را جهت آمادگی جوانان کوچی برای کانکور و کمک در بورسیه‌های تحصیلی برای آنان ترتیب و آماده سازد.

دفتر مطبوعاتی ارگ ریاست جمهوری با نشر خبرنامه‌ای گفته است که آقای غنی روز گذشته  در اختتامیۀ کنفرانس ملی برنامه انکشاف کوچی‌ها در ارگ ریاست جمهوری، گفته است که کوچی ها یک تبار بزرگ و نماینده وحدت ملی افغانستان می باشند.

در خبرنامه آمده است که آقای رییس جمهور تاکید کرده که پس از این، هر وزارت برای کوچی‌ها کار کرده و نیروهای امنیتی و دفاعی به‌ تامین امنیت کوچی‌ها، توجه خاص خواهند داشت.

همچنان گفته شده است که رییس جمهوری از تمامی وزارت‌خانه‌ها خواست تا طی سه هفته، برنامه‌های انکشافی‌شان را در خصوص کوچی ها با او شریک سازند.

بیشتر بخوانید:

• رییس جمهور افغانستان به ولایت پنجشیر رفت
• رییس جمهور افغانستان با دیپلومات پاکستانی دیدار کرد
• رییس جمهورغنی به خصوصی شدن جنگ در افغانستان واکنش نشان داد
• رییس‌جمهور می‌گوید افغانستان ظرفیت پذیرش پنج میلیون گردشگر خارجی را دارد

رییس جمهور افغانستان از وزارت تحصیلات عالی خواستار برنامه ریزی تحصیلی برای کوچی ها شد